მობრაწული ბრინჯი ბოსტნეულით და კარით

ინგრიდიენტები
რეცეპტი ერთი შეხედვით
სამზარეულო
ინდური
მთავარი ინგრიდიენტი
ბრინჯი
• 2 ჭიქა გრძელი ბრინჯი
• 2 ჭიქა წვრილ ყვავილებად დაჭრილი ბროკოლი
• 1 ჭიქა კუბიკებად დაჭრილი წითელი წიწაკა
• 1 ჭიქა გახეხილი ან წვრილად დაჭრილი სტაფილო
• 4 ჭიქა ბულიონი ან წყალი
• 1 ჩაის კოვზი კამის თესლი
• 1 ჩაის კოვზი პაპრიკა
• ½ ჩაის კოვზი დაფხვნილი წითელი წიწაკა
• 1 ჩაის კოვზი კარი
• 1 ჩაის კოვზი გახეხილი ჯანჯაფილი (ან ფხვნილი)
• ½ ჩაის კოვზი ზაფრანა
• 3-4 სუფრის კოვზი ზეთი
• მარილი გემოვნებით
მომზადების წესი

• ქვაბში ჩავასხათ ზეთი, კარგად გავახუროთ და ჩავყაროთ სუნელები
• დავუწიოთ ტემპერატურას, მუდმივად ვურიოთ დაახლოებით 2-3 წუთი, რომ სუნელებმა გაუშვას არომატი
• დავუმატოთ ბრინჯი და დაახლოებით 2-3 წუთი ვურიოთ საშუალო ტემპერატურაზე
• დავუმატოთ დაჭრილი ბოსტნეული, ქათმის ბულიონი ან წყალი და მარილი
• წამოდუღების შემდეგ დავუწიოთ ტემპერატურას, დავაფაროთ თავსახური და ვხარშოთ დაახლოებით 20-25 წუთი, სანამ წვენს არ შეიშრობს
• გამორთვის შემდეგ დავტოვოთ თავდახურული დაახლოებით 3-5 წუთი, შემდეგ კი ჩანგლით დავშალოთ ბრინჯი, ისე რომ ფანტია გამოვიდეს.

ინდური პური

ინგრიდიენტები
რეცეპტი ერთი შეხედვით
სამზარეულო
ინდური
მთავარი ინგრიდიენტი
ფქვილოვანი ნაწარმი
მომზადების წესი
ტაფამწვარი
ღუმელი
სირთულე
ძალიან ადვილი
კერძი
პურ-ფუნთუშეული
ლაქტო
რეცეპტები ავტორების მიხედვით
Natia Minashvili
პორციების რაოდენობა
2

მაწონი – 150 გრ;
ერბო – 50 გრ;
მშრალი საფუარი – 1 ჩაის კოვზი;
შაქარი – 1 ჩაის კოვზი (5 გრ);
წყალი – 150 გრ (დანარჩენი დამატებით);
ფქვილი ჩვეუელებრივი – 150 გრ;
ფქვილი მაღალი გლუტენით – 200 გრ (ან ჩვეულებრივით ჩაანაცვლეთ);
მარილი – 1/2 ჩაის კოვზი;
სუნელები – ძირა, ქინძი, ყაყაჩოს თესლი და ა.შ.
ინვენტარი: ფართე ტაფა, ან ღუმელში გამოაცხოვთ;
მომზადების დრო: ცომისამოსასვლელად 2 საათი; გამოსაცხობად 20-25 წუთი.
მომზადების წესი
შაქარი, თბილი წყალი და საფუარი დააყენეთ 5 წუთით;
გაადნეთ ერბო და შეურიეთ მაწონს;
დიდ ჯამში შეურიეთ ფქვილი ერთმანეთს, შუაში გაუკეთეთ ჩაღრმავება;
ჩაასხით მაწვნის და საფუარიანი მასა ფქვილში. მოურიეთ მიქსერით ან ხელით;

მოზილეთ კარგად, თუ საჭიროა შეამატეთ ან წყალი ან ფქვილი;
თხევადი და ფქვილის მასის როდენობა იყო თანაბარი, ამ შემთხვევაში 350 გრ და 350 გრ!;
მოზელილი ცომი დადგით ასაფუვებლად ზეთ-გადასმულ ჯამში, თავზეც გადააფარეთ. შემდეგ კი როცა გაორმაგდება – გაყავით 4 ნაწილად;
გაახურეთ ღუმელი 230 გრადუსზე ან უბრალოდ, სქელძირიანი ტაფა გააცხელეთ (სურათზე ტაფაზე გამომცხვარია ნაჩვენები). ტაფაც და ღუმლის საცხობი ფორმაც უნდა იყოს კარგად გახურებული, მაგ: 15 წუთით, თორემ პური მძიმე და მაგარი გამოვა;
პურის ცომი გაყავით 4 ნაწილად; თითო გააბრტყელეთ თხლად, ოვალური ფორმით;
გამოაცხვეთ ღუმელში 3-4 წუთის განმავლობაში, თუ საჭიროა – გადააბრუნეთ (ტაფაზე ნამდვილად სჭირდება გადაბრუნება);